Ayurnepal.com

Nepali Language (Nepal)English (United Kingdom)

काठमाडौँमा स्थापना आयुर्वेद अनुसन्धान केन्द्र हुने

चिनियाँ सहयोगमा निर्माण हुने आयुर्वेद अनुसन्धान केन्द्रको परियोजना डिजाइनका लागि आज बिहान नेपालपक्ष र चिनियाँ पक्षबीचमा हस्ताक्षर भएको छ । आयुर्वेद विभागको कार्यालय टेकुमा भएको हस्ताक्षरमा नेपालका तफबाट आयुर्वेद विभागका महानिर्देशक डा. ठाकुरराज अधिकारीले हस्ताक्षर गर्नुभएको छ । त्यसैगरी चिनियाँ पक्षको तफबाट चिनियाँ दूताबासको इकोनोमी काउन्सिलरका प्रथम सचिव काङ्ग चुनले हस्ताक्षर गर्नुभएको छ ।

आज हस्ताक्षरित सम्झौतापत्रमा उल्लेख भए अनुसार परियोजना डिजाइन आउँदो डिसेम्बर महिनाको दोस्रो हस्ताबाट सुरु हुनेछ । काठमाडौँको कीर्तिपुरको 35 रोपनी क्षेत्रफलमा आयुर्वेद अनुसन्धान केन्द्रको निर्माण हुनेछ । परियोजनामा पचास करोड रुपैयाँभन्दा बढी चिनियाँ सहयोगबाट प्राप्त हुनेछ ।

परियोजनाका सम्पर्क अधिकारी डा. हरिश्चन्द्र शाहले सि.आर.आई.लाई बताउनु भए अनुसार परियोजना कार्य प्रारम्भ भएको बीस महिनाभित्रमा निर्माण पूरा हुनेछ । परियोजना क्षेत्रभित्र आयुर्वेदिक अनुसन्धान तथा अध्ययनका लागि अत्याधुनिक प्रयोगशाला पनि बनाइनेछ । यसका साथै आयुर्वेद उत्पादन तथा प्रशोधन केन्द्र, विश्वविद्यालय स्तरको अध्ययन अध्ययापन तथा उपचार पद्धत्तिसमेत परियोजना स्थलमा स्थापना गरिनेछ ।

परम्परागत चिनियाँ उपचार पद्धत्तिविश्वमै प्रख्यात मानिएको छ । परम्परागत चिनियाँ उपचार पद्धत्तिमा आयुर्वेदलाई उच्च प्राथमिकता दिइन्छ जसले गर्दा उपचार पद्धत्तिअपनाउँदा कुनै पनि प्रत्युत्पादक असर देखिँदैन । नेपालमा पनि आयुर्वेद उपचार पद्धत्तिपरम्परादेखि नै प्रचलनमा आएको भए पनि यसलाई व्यवस्थित गर्ने तथा जटिबुटीको व्यापक प्रयोग गर्न सकिएको छैन । अब चिनियाँ सहयोगबाट निर्माण हुने यस परियोजनाबाट भने नेपाली आयुर्वेद उचार पद्धत्तिले पनि नयाँ काँचुली फेर्न आशा गरिएको छ ।

चेतनाथ आचार्य

सि.आर.आई.

काठमाडौँ

Comments (0)Add Comment

Write comment

busy